Shkëlqim Leskaj nuk liron zyrën e drejtorit të Ujësjellësit të Vlorës. Mëngjesin e së Martës, përmes një deklarate për mediat, Ujësjellës Kanalizime Vlorë deklaron se Shkëlqim Leskaj vijon që të jetë në krye të detyrës.
Më 6 gusht, Shkëlqim Leskaj ka firmosur dorëheqjen nga detyra e drejtorit të Ujësjellësit të Vlorës. Por disa ditë më pas, Leskaj është penduar duke kërkuar që të kthehet sërish në detyrë mbrapsht, por kryetari i bashkisë së Vlorës nuk e ka pranuar, duke i qëndruar vendimit të parë të drejtorit të UKV-së.
Raportohet se Leskaj, pavarësisht se dha dorëheqjen nuk mund të largohej në gusht pasi mori lejen vjetore dhe për këtë arsye është pritur data e rikthimit për t’i komunikuar procedurën.
Në datë 15 shtator, drejtorit iu kërkua që të lironte zyrën, por Leskaj e ka refuzuar kërkesën duke mos pranuar, madje duke e kyçur derën.
Kjo ka bërë që konflikti mes palëve të përfundojë në drejtorinë e policisë së Vlorë, që ditën e djeshme ka thirrur Lelin dhe Leskajn për t’u marrë dëshminë mbi ngjarjen. Por as policia duket se nuk e ka zgjidhur dhe konflikti vazhdon.
Lexo edhe:
Vlorë, sherri mes Leskajt dhe Lelit ndërhyn policia. Çfarë ndodhi në mbledhjen e Bashkisë
