Në “Foltoren” gjatë tubimit me demokratët në Fier, ish-kryeministri Sali Berisha, deklaroi se këtë lëvizje e ka kryekëput për Partinë Demokratike.
“Kemi një fjalë të urtë më mirë qiri i fikur sesa qiri i fëlliqur. Ndaj dhe ne ndalemi këtu. Çështjen time personale do e shpjegojë por kurrë nuk kam dashur të implikojë asnjë person përveç meje. Të nesërmen e kam vendosur se do e çoj në gjykatë për shpfije dhe jo për vendimin. Vendimin mbae zotëri sepse ti e di për sa kohë je në atë detyrë se kush duhet të hyjë në SHBA dhe kush jo.
Në letrën time vetëm një orë pas vendimit i kam shkruajtur: zoti sekretari ky është vendim i Xhorxh Sorrosit.
Multimilardieri Sorros ka hartuar në Beograd projektin në pamje të parë të ndryshimit të kufijve, por në thelb ishte shpërbërja e Kosovës dhe e sovranitetit të saj.
Ishte dhënë para e madhe për të mbyllur gojët por goja ime nuk mbyllet para interesit kombëtar. Është shkeljet e kushtetutës së Kosovës është shkeljet e gjalkut të Kosovës dhe unë nuk do e bëja kurrë.
Galeritë e Trepçes do i jepeshin Beogradit dhe Kosova do të shpërbëhej’, tha Berisha.
Në vijim, Berisha tha se ka kundërshtuar reformën e George Soros në drejtësi, pasi nuk mund të pranonte një drejtësi të kapur.
“Ardian Dvorani u shpall kampion i anti-korrupsionit, ndërkohë që Albtelecom i fali atij 17 mijë euro për një apartament, ndërsa Dvorani si anëtar i Gjykatës së Lartë, dha 9 mandate në favor të kompanisë kundër enteve publike.
Dvorani është një personazh që ka dënuar shkodranët në kohën e komunizmit.
Drejtësia drejtohej nga një jurist, Xhezair Zaganjori. Çfarë bëri reforma në drejtësi? Vendosi në krye të Gjykatës së Lartë një personazh që shkoi te hotel Tirana dhe pranoi ofertën 500 mijë euro të Çilit. Çështja u mbyll shpejt e shpejt sepse nuk mundej që të njollosej drejtësia e re e George Soros”, tha Berisha.
“Me reformën e Sorosit shkatërruan Gjykatën Kushtetuese, shkatërruan Gjykatën e Lartë. U krijua një stok prej dhjetëra mijëra dosjesh. Çfarë zgjidhje u dha? Ish-gruaja e dytë e Edi Ramës dhe gruaja aktuale e ministrit të Brendshëm u zgjodh për të përzgjedhur dosjet, duke shkelur çdo ligj dhe parim,” tha Berisha.
