Qeveria e Kosovës ka marrë vendim që nga sot, të vendoset reciprocitetit ndaj Serbisë për sa i përket targave të automjeteve. Vendimi është nënshkruar nga Ministri i punëve të Brendshme, Xhelal Sveçla.
Sipas këtij vendimi, është e detyrueshme që të gjitha automjetet që mbajnë targa të Serbisë dhe hyjnë në Kosovë, të pajisen me targa të përkohshme. Sipas vendimit, pajisja me këto targa bëhet në të gjitha pikat kufitare të Kosovës. Targat duhet të vendosen në vende të dukshme dhe për pajisjen uhet paguar taksa prej 5 eurosh.
Në dokumentin e nënshkruar nga ministri Sveçla shkruhet: “Obligohet pajisja me targa të përkohshme për të gjitha automjetet që mbajnë targa të Serbisë dhe hyjnë në Territorin e Republikës së Kosovës. Pajisja me targa të përkohshme bëhet në të gjitha pikat e kalimit kufitar të Republikës së Kosovës. Obligohen shoferët e mjeteve që targat e përkohshme t’i vendosin në vende të dukshme, para dhe mbrapa mjetit. Vlefshmëria e targave të përkohshme është 60 ditë. Taksa për targat e përkohshme nga pika 1 e këtij vendimi është 5 euro. Palët do të pajisen me vërtetim si zëvendësim i certifikatës së regjistrimit të automjetit. Obligohet Agjencia e Regjistrimit Civil dhe Policia e Kosovës për zbatimin e këtij vendimi”.
Lexo edhe:
Reciprociteti për targat/ Reagon BE: Kosova dhe Serbia të ndalin menjëherë tensionet
