Ish-Kryeministri Sali Berisha ka reaguar sot ndaj disa deklaratave, sipas të cilave, kreu demokrat Lulzim Basha, në mbledhjen e Kryesisë së PD, e cilësoi bazën e Partisë Demokratike si anti-amerikane.
Por zyrtarisht në një deklaratë, PD mohoi se Basha ka etiketuar bazën e partisë si anti-amerikane, ndërsa thekson se SHBA është partneri strategjik i Partisë Demokratike.
Gjithashtu në media u raportua se kreu demokrat u shpreh kundër thirrjes së forumeve drejtuese të PD, përfshi edhe Kuvendin Kombëtar.
Në nenin 43 të Statutit të Partisë Demokratike theksohet se Kuvendi Kombëtar mund të mblidhet edhe kur e kërkojnë 1/4 e anëtarëve të PDSH-së ose 1/4 e anëtarëve të Kuvendit Kombëtar, ndërsa data e zhvillimit të Kuvendit dhe rendi i ditës njoftohen të paktën një muaj përpara ditës së parë të Kuvendit.
“Miq, ish-kryetari sot shpalli non-grata bazën e partisë! Sb” shkruan Berisha, duke iu referuar deklaratave të pasqyruara në media.
