Kategoria Superiore ka ndryshuar axhendën për javën e tretë. Në tre ditë dhe në orare të ndryshme, elita do vijojë me disa ndeshje deçizive. Të shtunë në 13:45, Teuta do luajë me Dinamon. Ndeshja delikate do zhvillohet në Rrogozhinë, kjo për shkak se fusha e “Niko Dovana” është në rinovim.
Kështu, kampionët e vendit kanë gjetur dakordësinë për të luajtur në një fushë dhe stadium të ri, pikërisht të inauguruar vetëm 9 ditë më parë. Më herët Teuta zhvilloi si vendase një ndeshje në “Elbasan Arena”, teksa mbingarkesa në impiantin e Elbasanit ka bërë që të ndryshohet vendi i zhvillimit të ndeshjes.
Kalendari i javës së tretë:
E Shtunë, 13:45
Teuta – Dinamo (Rrogozhinë)
Kastrioti – Tirana (Kamëz)
E Diel, 19:45
Partizani – Vllaznia (Elbasan Arena)
E Hënë, 13:45
Laçi – Kukësi
Egnatia – Skënderbeu
