Analisti Andi Bushati shkruan në rrjetet sociale se mbrojtësit e Lulzim Bashës po përdorin një argument manipulativ për mbrojtjen e tij.
“Argumenti më i fortë, por njëkohësisht manipulativ, i atyre që mbrojnë Bashën në përplasjen me Berishën është: A mund të fitojë PD me Amerikën kundër?
Në fakt pyetja më e drejtë do të qe: A mund t’i thuhet jo diplomatëve amerikanë kur kanë kërkesa që dobësojnë opozitën dhe kur e kanë treguar me prova se këto 8 vite e kanë mbrojtur në çdo hap Edi Ramën?” shkruan ai.
Bushati ka shfaqur kritika të forta ndaj kreut demokrat Lulzim Basha pas zgjedhjeve të 25 prillit, sikundë ka shfaqur kritika po kaq të forta ndaj ambasadores amerikane Yuri Kim, lidhur me atë që analisti e konsideron si mbështetjen që po i jepet Edi Ramës.
