Një 42-vjeçar është arrestuar nga policia e Shkodrës për shkak se akuzohet për armëmbajtje pa leje.
I arrestuari është shtetasi G. C, ndaj të cilit është ngritur akuza e “Mbajtja pa leje e armëve, armëve shpërthyese dhe e municionit”.
“Qarkullonte me armë zjarri me vete, vihet në pranga 42-vjeçari.
Sekuestrohet 1 armë zjarri pistoletë me një krehër me 7 fishekë.
Specialistët për Hetimin e Krimit në Komisariatin e Policisë Shkodër, në bashkëpunim me Forcën e Posaçme Operacionale të DVP Shkodër në vijim të punës për rritjen e parametrave të sigurisë, bazuar dhe në informacionet e marra në rrugë operative, kanë ushtruar kontroll, për kapjen e personave që qarkullojnë me armë zjarri.
Gjatë kontrolleve në vendin e quajtur rruga e Golemit, shërbimet e Policisë, kanë gjetur në automjetin e 42 vjeçarit, poshtë sediles së drejtuesit mjetit një armë zjarri pistoletë me një krehër me fishekë.
Në përfundim të veprimeve, nga specialistët për Hetimin e Krimit u bë arrestimi në flagrancë i shtetasit G. C., 42 vjeç, për veprat penale “Mbajtja pa leje e armëve, armëve shpërthyese dhe e municionit”
Materialet i kaluan Prokurorisë pranë Gjykatës së Shkallës së Parë Shkodër, për veprime të mëtejshme procedurale”, njoftoi policia.
