Ambasadorja amerikane Yuri Kim ka uruar kryeministrin Edi Rama për nisjen e mandatit të tretë, që e konsideroi si historik.
Mes të tjerash, Kim shkruan se SHBA mezi pret të punojë intensivisht me Shqipërinë për forcimin e demokracisë.
“Urime Kryeministrit @ediramaal për fillimin zyrtarisht të mandatit të tretë historik. US mezi pret të punojë intensivisht me AL forcimin e demokracisë, mbrojtjes dhe biznesit. Urime dhe suksese”, shkruan Kim në Twitter.
Pasi mori besimin e 77 deputetëve në Kuvend, qeveria e re “Rama 3” është betuar te Presidenti Ilir Meta, i cili më herët kishte dekretuar kabinetin e ri qeveritar.
