Në javën e dytë të Abissnet Superiore, Vllaznia barazoi 1-1 me Teutën në një ndeshje të luajtur mirë nga kuqeblutë por në fund nuk pati fitues.
Loja nisi më mirë në “Loro Boriçi” për Vllazninë e cila krijoi raste por jo konkrete teksa rastin e parë të artë e kishte Sebino Plaku në 35’ kur godet shtyllën i pafat.
Kuqeblutë përgjigjen menjëherë me një rast të pastër në 44’ kur Aralica pasi shmang kundërshtarët lëshon një gjuajtje që I afrohet shtyllës.
Nuk mbaron këtu pjesa e parë sepse në 45’ Todorovski bën një faull si lojtar i fundit ndaj Aralicës dhe me VAR kartoni ndryshohet nga i verdhë në të kuq.
Pjesa e dytë është edhe më emocionuese pasi ekipi vendas rrit presionin duke qenë me një lojtar më shumë dhe në 49’ marrin një penallti por sistemi VAR e ndryshon vendimin e arbitrit.
Skuadra e Brdariç nuk dorëzohet dhe në 58’ shpërthen “Loro Boriçi pasi Da Silva i asistuar në 58’ nga Latifi me kokë kalon në avantazh Vllazninë.
Rezultati duket i lehtë tashmë për t’u menaxhuar nga Vllaznia me një lojtar më shumë por në fakt, Teuta ngrin stadiumin në 73’ kur Koumbemba me një goditje me kokë barazon rezultatin në 1-1.
Goli i pësuar sikur u “pret” këmbët vendasve dhe me gjithë përpjekjet e mëdha, Vllaznia duhet të mjaftohet vetëm me një barazim. Ne fund pati vend edhe per nje gol nga Vllaznia por qe me VAR u anulua per pozicion te parregullt.
Me këtë rezultat, Teuta konfirmon trendin pozitiv ndaj Vllaznisë, të cilëve pasi u mori titullin me golavarazh më të mirë dhe Superkupën me fitore, tani merr dhe pike me një lojtar më pak në “Loro Boriçi”.
https://streamable.com/rcaely
https://streamable.com/3jer02
