Kartoni i kuq në ndeshjen Tirana – Skënderbeu (4-2) duket se ka bërë që Vangjel Zguro të reflektojë ditë pas dite.
Mbrojtësi i korçarëve që ka një peshë të madhe te bardhekuqtë ka bërë një postim në rrjetet sociale ku tregon se do të vazhdojë të shohë përpara. Në instagramin e tij, mëngjërashi 28-vjeçar shkruan:
“Dështimi të jep dy zgjedhje: Të vazhdosh të rrish poshtë apo të ngrihesh dhe të vazhdosh përpara. I fortë është ai që ngrihet dhe vazhdon përpara. Unë gjithmonë jam munduar të ngrihem dhe të vazhdoj përpara”.
Kujtojmë që pas ndeshjes, trajneri Migen Memelli u shpreh i pakënaqur me veprimet e Zguros në fushë. Një nga lojtarët më me eksperiencë në elitë e la ekipin me 10 vetë duke mos arritur të japë kontributin e tij kundër Tiranës.
