Seanca maratonë/ S’ka bojkot nga PD, zbardhet plani i demokratëve për nesër në Kuvend

Partia Demokratike ka mbledhur mbrëmjen e sotme Grupin Parlamentar. Temë kryesore e diskutimit ka qenë seanca nesërme plenare, e cila pritet të miratojë qeverinë e re dhe programin qeverisës “Rama 3”.

Në seancë plenare, e cila pritet të jetë maratonë, çdo deputet do të ketë mundësi të flasë dhjetë minuta. PD-ja do ta përqendrojë diskutimin te tri çështje kryesore, si pandemia e Covid-19, tërmeti dhe kriminaliteti në vend, çështje këto, që siç thekson gazetari, PD pretendon se socialistët kanë dështuar.

Mèsohet se, nesër nuk do të ketë bojkot në Kuvend nga Partia Demokratike, e cila ka vendosur të qëndrojë në sallë gjatë gjithë seancës.

LEXO EDHE  Samiti BE-Ballkan Perëndimor më 6 tetor në Brdo të Sllovenisë

Seanca e nesërme do të nisë në orën 10:00 dhe do të jetë e ndarë në tri faza, ku në fazën e parë do të bëhet prezantimi i programit qeverisës të qeverisë “Rama 3”, në fazën e dytë, e cila është parashikuar të nisë në orën 13:00, do të ketë pyetje nga deputetët dhe diskutime e debate, ndërsa faza e fundit, e parashikuar në orën 14:00, përfshin votimin e qeverisë dhe programit “Rama 3”.