Pasaportë dixhitale Covid për Shqipërinë? BE merr vendimin

Nga sot hyn në fuqi vendimi qe e lidh Shqipërinë me sistemin europian dhe certifikatat e Covidit që ai do të lëshojë, duke u pranuar në BE me të njëjtat kushte si pasaportat dixhitale të bllokut.

Lëvizja vjen në kohën kur situata e pandemisë po njeh një përkeqësim të ri në pjesë të ndryshme të Europës.

Shtatë vendime të reja u morën lidhur me certifikatat e Covid të lëshuara nga Shqipëria, Andorra, ishujt Faroe, Izraeli, Monako, Maroku e Panamaja.

Këto shtete e territore, thuhej në njoftimin e bllokut, kanë pranuar në të njëjtën kohë certifikatën dixhitale të BE-së për udhëtim drejt tyre nga vendet e unionit.

LEXO EDHE  Krijimi i agjencisë së re për mediet, reagon Sekretarja për të Përndjekurit Politikë në PD: Qeveria “Rama 3”, propagandë dhe censurë me vulë kryeministrore

Në të njëjtën kohë, shtetet kanë rënë dakord të pranojnë certifikatën dixhitale të BE ndaj Covid për të udhëtuar nga BE drejt shteteve të tyre.

Komisioneri i Drejtësisë, Didier Reynders tha: “Gjatë verës, ne kemi parë që qytetarët janë të aftë për të udhëtuar të sigurt falë certifikatës dixhitale europiane ndaj Covid.

Është një situatë fitoreje: qytetarët mund të shijojnë të drejtën e lëvizjes së lirë dhe bizneset si dhe sektori i transportit mund të fillojë të lulëzojë sërish pas humbjeve të muajve të kaluar. Unë mirëpres më shumë shtete jashtë BE që po i bashkohen sistemit tonë të suksesshëm.”