Takimi me krerët e qeverive të Ballkanit/ Merkel zbulon temat e diskutimit

Kancelarja gjermane në largim Angela Merkel zbuloi në një konferencë për mediat nga Tirana bashkë me kryeministrin Edi Rama, temat e diskutimit me krerët e qeverive të Ballkanit.

Merkel tha se gjatë takimit u fol për projektet e përbashkëta infrastrukturore si autostrada e Paqes (Prishtinë-Merdare) dhe klima. Kancelarja e vuri theksin te bashkëpunimi mes vendeve të Ballkanit dhe apeloi që bashkëpunimi të të forcohet. Merkel shtoi se Gjermania do vijojë të mbështesë vendet e Ballkanit në procesin e integrimit në Bashkimin Europian.

“Zemra ime rreh për këtë rajon dhe pse s’do kem mbase të njëjtën detyrë, do më nxisë dielli të vij”, tha Merkel, duke i përgjigjur ftesës së kryeministrit Edi Rama, për të kaluar pushime në Shqipëri pas lënies së detyrës së kancelares.

LEXO EDHE  Manjani-Bashës: Emergjencë kombëtare është Kosova, jo hetimet parlamentare

Ky i fundit foli me superlativa për Angela Merkel.

“Askush s’ka bërë për këtë rajon pas luftës më shumë se sa kancelarja gjermane. Askush nuk e ka kuptuar këtë rajon më mirë se sa kancelarja gjermane”, tha Rama mes të tjerash.