Raportimi i DW: Pse Merkel vizitoi Tiranën

Kancelarja gjermane ka mbërritur në Tiranë nga Beogradi, në kuadër të turit të saj ballkanik, në prag të dorëheqjes nga detyra e kancelares. Ajo u prit me ceremoni zyrtare, në Pallatin e Brigadave, nga Kryeministri Rama. Pas takimit me kryeministrin Edi Rama, në programin e kancelares gjermane është edhe takimi me krerët e qeverive të Bosnjë- Herzegovinës, Malit të Zi, Maqedonisë së Veriut dhe Kosovës.

Bundeskanzlerin Angela Merkel in Albanien

Sipas burimeve zyrtare në fokus të vizitës së kancelares Merkel në Tiranë do të jetë bashkëpunimi rajonal  dhe kryesisht jetësimi i Tregut të Përbashkët Rajonal, nismë kjo në kuadër të Procesit  të Berlinit.

LEXO EDHE  Zgjedhjet parlamentare në Gjermani, ja ç´parashikojnë sondazhet

Në mbyllje të vizitës disaorëshe në Tiranë kancelarja gjermane Merkel do të japë një konferencë të përbashkët shtypi me kryeministrin Rama.

Bundeskanzlerin Angela Merkel in Albanien

/DW/