Kylie Jenner nuk ishte pjesë e “Met Gala 2021” pasi e anuloi pjesëmarrjen e saj në minutën e fundit!
“Jam shumë e mërzitur që nuk mund të vij këtë vit. Mezi pres të shoh të gjithë look-et”, shkruan Kylie.
Një burim për “E!News” ka treguar se Kylie ndryshoi mendje në moment të fundit për sa i përket pjesëmarrjes së saj në Met Gala. “Ndryshoi mendje në minutën e fundit sepse nuk ndjehet shumë mirë. Kylie është e foksuar në shtatzëninë e saj dhe do thjesht ta marrë sa më lehtë”, u shpreh burimi.
Një tjetër burim tregoi se në fakt, ylli i reality show dhe partneri i saj Travis Scott kishin planifikuar që ta lajmëronin shtatzëninë e saj të dytë pikërisht në këtë event, por gjërat nuk shkuan siç Jenner kishte shpresuar.
