Kryebashkiaku i Tiranës Erion Veliaj ka paralajmëruar bllokim për automjetet të disa rrugëve në Tiranë, që kalojnë pranë shkollave.
Gjatë një aktiviteti, Veliaj tha se një masë e ndërmarrë për rritjen e sigurisë në shkolla që lidhet me transportin është dhe ndalimi i qarkullimit të makinave në disa prej rrugicave pranë shkollave gjatë orarit mësimor.
“Në disa prej rrugëve ne kemi filluar të eksperimentojmë ato që i quajmë ‘rrugë shkollore’, ku, siç ndodh në të gjithë botën, bllokohet ajo rrugicë dhe përdoret në mënyrë këmbësore vetëm nga fëmijët derisa mbaron procesi mësimor. Në disa rrugica të tjera do të bëjmë një rishikim për kangjella, për t’u siguruar që trotuari ku fëmijët hidhen menjëherë nga dera kryesore ka një lloj barriere të mbrojtur derisa shkojnë te vija e bardhë, ose tek semafori”, tha Veliaj.
