Përjashtimi i Berishës, Açka: Vendimi i Bashës na kapi në befasi, rrezikojmë të na shembet ngrehina

Flutura Açka e cila kryeson Komisionin e Apelimit për çështjen Berisha, përjashtimin e të cilit e ka konsideruar vendimin e Bashës radikal dhe delikat që ndodhi në minutën e fundit. E pranon se ishte një akt që i kapi në befaësi por dhe përpiqet ta kuptojë Bashën.

“Një akt që na kapi në befasi të gjithëve. Ka qenë një vendim shumë delikat, që përpiqem ta kuptoj pse e mbajti i vetëm. Duhej ta mbante I vetëm pasi ne të tjerët do të infektoheshim dhe do ndikonim tek demokratët e thjeshtë Është si të qëllohet një xham të madh kristali me gurë dhe guri mbetet në xham dhe xhami është gati të kriset. Sot na duhet që këtë gurë që na ka rënë të mos na e shembë ngrehinën. Duhet PD të qëndrojë aty sepse kemi betejë shumë të madhe përpara”.

Nëse çështja vjen në dorën e saj, Açka u shpreh se do e ketë të vështirë duke qenë se nga jashtë e ka admiruar figurën e Berishës, ndërsa brenda politike i takon ta gjykojë.

LEXO EDHE  Genc Pollo për Kuvendin Kombëtar të PD-së: Ja çfarë thotë statuti

 “Nuk e di çfarë rruge do të ndjekë zoti Berisha sepse ai i ka thënë publike gjërat e tij. Ajo që unë di të them është që nëse do të vijë fjala për komisionin të cilin drejtoj unë  çdo gjë do të jetë transparente, deri në fund, në respekt të çdo demokrati, në respekt të çdo simpatizanti dhe në respekt të procesit”, u shpreh ajo.

Në një intervistë për emisionin e mëngjesit sot në Euronews, Açka pranon se ndjeu keqardhje për grisjen e fletës së votimit për Lindita Nikollën si kryetare e Kuvendit, por ky ishte një qëndrim politik dhe si i tillë ishte akt i duhur.