Pezullohet nga detyra një punonjës i Policisë rrugore Durrës. Është vet SHÇBA ajo që jep njoftimin e pezullit të tij me vendim të Gjykatës së Durrësit.
Bëhet e ditur se F.S, 30 vjeç me detyrë nënkomisar, në periudha kohe të ndryshme nuk ka kryer si duhet detyrën, duke mos referuar në prokurori shkeljet e konstatuara gjatë patrullimit.
Sipas SHÇBA, ai akuzohet për ‘Shperdorim detyre’.
Deklarata
Drejtoria Rajonale e SHÇBA Durrës ka ekzekutuar vendimin penal të lëshuar nga Gjykata e Shkallës së Parë Durrës, në ngarkim të punonjësit të Policisë pranë DVP Durrës, Nënkomisar F. S., i dyshuar për “Shpërdorim detyre”.
Gjykata e Rrethit Gjyqësor Durrës ka marrë vendimin penal duke caktuar masën e sigurimit “Pezullim i ushtrimit të një detyre e funksioni publik” për shtetasin F. S., 30 vjeç, me detyrë Specialist shërbimi dhe OPGJ në sektorin e Qarkullimit Rrugor pranë DVP Durrës, i dyshuar se ka konsumuar elementët e veprës penale “Shpërdorim detyre”.
Ky punonjës dyshohet se në periudha të ndryshme kohore dhe në raste të përsëritura, nuk ka kryer veprime të plota hetimore sipas nenit 293/1 të Kodit të Procedurës Penale, si edhe neneve 18, 23 të ligjit për Policinë e Shtetit dhe Rregullores së Policisë së Shtetit, duke mos i referuar materialet proceduriale pranë Prokurorisë, por duke i trajtuar në mënyrë administrative.
DENONCO