A do merrni drejtimin e PD? Berisha: E vendos anëtarësia atë që ndodh

Ish-Kryeministri Sali Berisha u shpreh se do të jetë anëtarësia e PD-së ajë që do të vendosë mbi zhvillimet në Partinë Demokratike.

Berisha tha se anëtarët e PD duhet të votojnë për veten e tyre, në mënyrë që mos ketë nesër asnjë Kryetar që të marrë vendimet pa i pyetur ato.

“Lulzim Basha vijon të konsiderojë si vendim diçka që është nul. Unë do respektoj vendimin e anëtarësisë së PD, si ta vendosin ata, nëse duan ose jo të jem anëtar i PD.

LEXO EDHE  Prej 4 ditësh i bllokuar në minierë, kryebashkiaku i Bulqizës kujtohet për minatorin: Po lutemi...

Se çfarë ndodh pastaj i përket anëtarësisë, por dua t´ju garantoj se unë s´po bëj asnjë lëvizje personale. Nëse do e miratonte Këshilli Kombëtar këtë vendim të Bashës unë do e pranoja, por në të kundërt duhej të dorëhiqej.

Në takimet me anëtarësinë e PD nuk diskutohet që do të trajtohet edhe çështja e të ardhmes së partisë, por nuk është ky qëllimi im tani”, tha Berisha.