Një 22-vjeçar u arrestua nga policia e Tiranës, pasi u kap në kushtet e flagrancës me një pistoletë, që e mbante në një çantë dore.
I arrestuari, Ibrahim Gjiaj, sipas policisë, është person me precedent të mëparshëm penal në fushën e vjedhjes.
“Shërbimet e Komisariatit të Policisë Nr. 5, në vijim të punës për kapjen e personave që disponojnë armë zjarri pa leje, me qëllim parandalimin e ngjarjeve kriminale dhe rritjen e parametrave të sigurisë në qytet, në bazë të informacioneve të mara në rrugë operative, arrestuan në kushtet e flagrancë shtetasin Ibrahim Gjidiaj, 22 vjeç, i dënuar më parë për veprën penale “Vjedhja”.
Gjatë kontrollit të ushtruar në çantën e dorës të këtij shtetasi, sherbimet e Policisë, gjetën dhe sekuestruan në cilësinë e provës materiale, 1 armë zjarri pistoletë dhe municion luftarak.
Materialet i kaluan Prokurorisë së Rrethit Gjyqësor Tiranë për veprën penale “Armëmbajtje pa leje””, tha Policia.
