Një ngjarje e rëndë është regjistruar në Petrupoli në Greqi, ku një 15-vjeçare ra nga një shkëmb nga një lartësi prej 14 metrash.
Sipas mediave greke, e reja po trajtohet në gjendje të rëndë me dëmtime kraniocerebrale, lëndime në qafë, krahë dhe këmbë.
Menjëherë pas rënies së rrezikshme, ajo u dërgua me urgjencë në spital nga ambulanca e EKAB. Kur 15-vjeçarja u pyet nga mjekët dhe policia se si u shkaktua aksidenti, nëse ajo rrëshqiti apo e shtyu dikush, ajo u përgjigj “Nuk ju them”.
Sipas dëshmitarëve okularë, të cilët folën për protothema, vajza ishte në shkëmb për të bërë një fotografi, së bashku me katër ose pesë person atë tjerë, kur njëri prej tyre dyshohet se i tërhoqi flokët pak para se ajo të binte nga lartësia.
