Flet mamaja e autorit Elton Metaj, 31-vjeçarit që vrau me armë zjarri ish-bashkëshorten e tij 23-vjeçare, në Zhupan të Fierit.
Ajo shprehet se ai ka tentuar që të vetëvritet pas aktit, ndërsa ka telefonuar për herë të fundit babain e tij.
“Djali tentoj te vetëvritej pas ngjarjes. Telefonatën e fundit e ka pasur me babain e tij. Me bëri hatanë. Te më vrisnin mua çupën do qasja unë vrasësit. Më vjen shume keq. Dhimbja është e të dyja palëve e rrita vet e kisha si çupë. Nuk e di se çfarë ndodhi se kush ja mbushi mendjen, ata shkonin”, tha ajo për gazetarët.
Krimi ndodhi mbrëmjen e djeshme, kur Metaj shkoi në shtëpinë e prindërve të ish-bashkëshortes së tij duke e vrarë në banesë.
Ndërkohë, policia arriti që ta prangose mëngjesin e sotëm autorin pas disa orë ndjekjeje.
