Ish-kryeministri Sali Berisha ka publikuar një video në rrjetet sociale me një mesazh të qartë për Kreun e Qeverisë, Edi Rama
Berisha në këtë video i dërgon një mesazh të qartë kryeministrit të vendit, Edi Rama, por edhe kreut demokrat, Lulzim Basha.
Berisha shprehet se Rama mund të blejë dhe të shesë Bashën, por kurrë Partinë Demokratike dhe demokratët shqiptarë.
“Edi Rama, mund të blesh dhe të shesësh Lulzim Bashën, por, kurrë Partinë Demokratike dhe demokratët shqiptarë.
Kjo është përfundimtare. Je i pashpresë”, shprehet ish-kryeministri.
Dy ditë më parë, kreu demokrat Lulzim Basha, mori vendimin për përjashtimin e Berishës nga Grupi Parlamentar i PD, vendim ky që krijoi një përplasjes të fortë me ish-Kryeministrin, i cili e konsideroi nul këtë vendim. Berisha paralajmëroi nisjen e një beteje për t´a kthyer PD në një parti vlerash dhe parimesh, ndërsa akuzoi Bashën për pazare me Edi Ramën.
