Këngëtarja Fifi ka treguar mbrëmjen e djeshme se ka përjetuar një moment të frikshëm, aq sa ka menduar për një moment se ka parë vdekjen me sy. Këngëtarja rrëfen përmes disa vieove në Instagram se ishte duke bërë një video në makinë teksa priste në semafor dhe papritur dëgjoi zhurmën e një makine që frenon fort.
Fifi ka publikuar videon e këtij momenti dhe ajo shfaqet realisht e frikësuar.
“Jam e shokuar. Po bëja një video, po prisja në semafor në makinë. Dhe e dini çfarë përjetova?! Pashë vdekjen me sy 100%. Videoja tjetër do ju tregoj, mund të dëgjoni zhurmat”, shpjegon Fifi.
Kujtojmë që pak kohë më parë, Fifi ka treguar se ka përjetuar ankth si dhe ka bërë publike pasojat që i ka lënë kjo gjë, takikardinë dhe po ashtu nuk mund të përballojë emocione të forta.
“Po kam kalu dhe normal qe ka pasoja ajo gjeja ..M’ka lane takikardinë ama kjo eshte e veqanta jem dhe e kontrolloj, une ate, dhe jo ajo mua.. Nuk perballoj dot emocione te forta as negative as pozitive ..e prap jam e lumtur qe mund te dashuroj pa kontroll”, ka shkruar ajo.
