Ministrja e Shtetit për Marrëdhëniet me Parlamentin, Elisa Spiropali ndonëse është munduar të mos bëjë asnjë koment për debatet në Partinë Demokratike, nuk ka mundur dot t’i shmanget 100% pyetjes për rikthimin e Berishës në krye të PD-së.
Spiropali thotë se nuk është fare surprizë që ish-Kryeministri Sali Berisha të rikthehet në krye të PD-së. Këtë koment ajo e bëri në News24, ku përsëri theksoi se nuk do të bëjë asnjë koment për këtë çështje pasi nuk duan të bëhen pjesë e një debati shterpë.
“Asnjë surprizë. Nuk do të marrim pjesë në axhendën e një debati shterpë. Zërin as nuk ia marrim, as nuk ia japim ne. Është individ i lirë. Mund të sillet si e gjykon. Brenda PD është e qartë ajo që po ndodh, por ne kemi hall se si është situata me shkollat, arsimin, punët me pandeminë. Këto janë problemet tona, të tjera çështje ne nuk kemi”– tha Spiropali.
