Psikologia: Dita e parë e punës s’duhet të jetë e Hëna

Me ardhjen e shtatorit dhe pas mbarimit të pushimeve të gjithë janë rikthyer në punë.

Ndërkohë në lidhje me këtë temë, ka folur psikologia  Erilda Ajazi, e ftuar në emisionin “Ditë e Re”.

Ajo është shprehur se 15 ditë pushime në vit janë pak, dhe si pas saj do ishte mirë të ishin 30 ditë, dhe këto ditë të ndahen në dy periudha të ndryshme.

“Ekzistojnë disa faktorë që na pengojnë ose na krijojnë njëfarë tensioni për t’iu rikthyer edhe njëherë ritmit të punës, të rutinës që e kemi lënë pas, kur kemi kaluar pushimet. Presim që të fitojmë ato energji të humbura. Janë pak 15 ditë pushime. Nevojiten që gjatë vitit të bëhen disa periudha të shkurtra pushimesh. Mbase duhet të ishin 30 ditë në vit, ose këto ditë të ndahen në dy periudha. Të pushosh si koncept, nuk do të thotë të planifikosh pushime në det, sepse plazhi në vetvete është tepër i lodhshëm. Është krejt individuale përzgjedhja e llojit të pushimeve, sipas jetesës, njeriut, ekonomisë. Kjo krijon një lloj konflikti të brendshëm. Por kjo ndryshon me stilin e jetesës me llojin e punës. Shumë mirë mund të qëndrojmë dhe në shtëpi. Është krijimi i balancës mes jetës së punës dhe jetës individuale. Këtë balancë duhet ta bëjmë dhe gjatë periudhës së punës.”

Ajo thotë do ishte mirë që dita e parë e punës të ishte e mërkura ose e enjtja dhe jo e hëna siçnis gjithmonë, pas fundjavës pushim.

LEXO EDHE  Bumçi thirrje Bashës: Bëhu pjesë e zgjidhjes, nuk të ndjek më njeri

Psikologia thotë dy ditë para se të nis puna pas pushimeve individi duhet të qëndrojë dy ditë në shtëpi dhe të çlodhet, duke qenë se edhe pushimet në vetvete janë të lodhshme.

“Ne e duam punën dhe kemi motivin e punës, dhe puna është kënaqësi. Dhe është ajo shprehja e famshme. “Zgjidh punën që do në mënyrë që të mos punosh asnjë ditë.” Puna është ajo që na mban dhe gjallë. Kjo lloj përgatitje për t’iu rikthyer edhe njëherë rutinës do të ishte një mënyrë e mirë për të qenë një tranzicion sa më i butë për të filluar dhe punën. Do të ishte mirë që dita e parë e punës mos të ishte e hëna, do të ishte e mërkura dhe e enjtja. Do ishte e mira që mos të kthehemi një ditë para punës nga pushimet. Ajo ditë totalisht do të ishte depresive. Do ishte mirë që dy ditë para se të individi të fillonte punën të qëndronte në shtëpi. Do të ishte mirë që atë ditë që të filloj punën të zgjohesh herët. Meditimi do të ishte një mënyrë e mirë.”