Nis legjislatura e X e Shqipërisë

Sot, duke nisur nga ora 10:00, u zhvillua seanca e parë e legjislaturës së X të Kuvendit te Shqipërisë.

Mbledhja që zgjati disa minuta u hap nga deputetja me e vjetër në moshë, Luljeta Bozo.

Në seancën e parë u zgjodh Sekretariati i Përkohshëm nga tre deputete nder deputetët në moshë më të re, i cili do të kryejë detyrën deri në zgjedhjen e Byrosë së Kuvendit.

Në këtë seancë u zgjodh edhe Komisioni i Përkohshëm i Verifikimit të Mandateve i përberë nga 9 deputetë, i cili do të shqyrtojë dokumentacionin përkatës të zgjedhjeve dhe përgatitjen e raportit për vlefshmërinë e mandateve të deputetëve të Kuvendit.

LEXO EDHE  Berisha: Basha nuk fiton kurrë, nuk njeh nocionin e dorëheqjes

Seanca e dytë do të zhvillohet në orën 17:00.

Në ketë seancë, Komisioni i Përkohshëm i Verifikimit të Mandateve do të paraqesë Raportin përfundimtar.

Pas paraqitjes së Raportit të Komisionit të Verifikimit të Mandateve, seanca do të vijojë me betimin e deputetëve dhe zgjedhjen e Kryetarit të Kuvendit të Shqipërisë. Për këtë post, Rama ka propozuar Lindita Nikollën.