Vendi ynë u ndikua sot nga kushte relativisht të qëndrueshme atmosferike, ndërsa moti ka qenë kryesisht i kthjellët e vranësira kalimtare. Përgjatë orëve të drekës dhe ato të pasdites në relievet malore, vranësirat pritet të shoqërohen me reshje shiu të izoluara.
Sipas Shërbimit Meteorologjik Ushtarak, për ditën e Shtunë, pritet një përkeqësim i lehtë. Moti parashikohet me alternime kthjellimesh dhe vranësirash në të gjithë territorin. Në zonën e jugut, parashikohen reshje shiu të herëpashershme me intensitet të ulët dhe lokalisht do të jenë në formën e shtrëngatave dhe stuhive afatshkurtër.
Ashtu si dita e sotme edhe për ditën e Diel moti parashikohet kryesisht i kthjellët si dhe alternime vranësirash kalimtare. Në orët e mesditës, në relievet e larta malore parashikohen reshje shiu të dobëta dhe lokale.
