Një lojtar i kombëtares së Kazakistanit, i cili shënoi dy gola në kualifikuesen e Botërorit javën e shkuar, ka dalë pozitiv me doping.
Mbrojtësi Ruslan Valiulin doli pozitiv ndaj substancave të ndaluara në gjak pas ndeshjes së skuadrës së tij, Tobol Kostanai në Ligën e Konferencës më 12 gusht, por klubi njoftoi se përgjigjja e testit erdhi vetëm në datën 2 shtator.
Deri atëherë, Valiulini ishte grumbulluar me kombëtaren dhe kishte shënuar të dy golat kundër Ukrainës 2-2 një ditë më herët.
Federata kazake njoftoi se lojtari i tyre rezultoi pozitiv si pasojë e disa vitaminave që kishte marrë. Ata nuk rrezikojnë ta humbasin ndeshjen në tavolinë sepse rregullorja thotë se një rast pozitiv në skuadër nuk mjafton për këtë.
DENONCO