Tridhjetë humbje jete dhe 685 raste pozitive me Covid nga 9.415 testime u raportuan këtë të Premte në Kosovë.
Autoritetet njoftuan se gjatë 24 orëve të fundit, janë shëruar 1.384 qytetarë, ndërsa numri i përgjithshëm i të shëruarve është 133.314.
Në total, numri i rasteve aktive është 19.923.
Në 24 orët e fundit, janë dhënë 20.646 doza të vaksinës kundër COVID-19. Prej fillimit të vaksinimit, në Kosovë, janë dhënë 995.930 doza. Deri më sot, 347.344 qytetarë janë vaksinuar me dozën e dytë.
