Pneumologu Arjan Mezini, në një intervistë në Syri Tv, foli për situatën nga koronavirusi në vend.
Mezini thekson se jemi në valën e katërt të pandemisë, duke shtuar se shifrat e fundit nga Covid janë shqetësuese.
“Shifrat janë shqetësuese. Por, nëse e krahasojmë me dy valët e tjera, gjendja është më e qetë dhe më e mirëkontrolluar. Jemi në valën e katërt të pandemisë. Popullata jonë është pak problematike, në aspektin se e lënë që të shkojnë në gjendje kritike gjërat e vijnë që të marrin kurim, e shtrohen kur janë të rënduar ose shumë të rënduar.
Varianti Delta po prek më shumë moshat e reja. Shtrimet në spitale nga Covid janë ulur ndjeshëm në raport me të kaluarën. Vaksininimin do ta rekomandoja me forcë, sepse është gjëja e duhur që mund të bëjë një person. Duhet të ecnim më shpejt sa i përket vaksinimit”, deklaroi Mezini.
