E kërkojnë trashëgimtarët, trupi i Maradonës pritet të zhvendoset. Ja arsyeja

Trupi i Diego Armando Maradona, i ndarë nga jeta më 25 nëntorin e 2020-ës, prehet në varrezat e Bella Vista, në krah të varreve të prindërve të tij.

Por vajzat Dalma dhe Gianinna duan të ndërtojnë një mauzole për t’i dhënë mundësi të gjithë tifozëve të botës të vizitojnë dhe të nderojnë ish-yllin e futbollit.

Projekti duhet të miratohet nga gjykata argjentinase, por nuk ka mbështetjen e të gjithë trashëgimtarëve.

Veronica Ojesa, ish-partnerja e Maradona-s, ka shpjeguar:

“Është një problem i madh sepse Diego ka dashur gjithmonë të prehet me prindërit e tij, dhe nuk mund të largohet nga varrezat. Në të ardhmen, fëmijët e Diego-s do të duan të prehen me babanë dhe do të ishte një problem ta bënin diku tjetër. Ideja më ka pëlqyer, por duhet që të gjithë të jenë dakord”.

Dalma Maradona u është përgjigjur kritikëve:

LEXO EDHE  VIDEO/ Vendoset baraspesha në “Loro Boriçi”, Teuta shtang Vllazninë me një supergol

“Qëllimi im dhe i Gaininna-s nuk është që të krijojmë turizëm dhe të bëjmë para, por vetëm për tifozët”.