Një 64-vjeçar ka humbur jetën në fshatin Gomsiqe të Pukës, pasi ka rënë nga çatia e një banese, ku po kryente punime.
“Në banesën e vjetër të shtetasit GJ.D., është aksidentuar duke rënë nga lartësia dhe për pasojë ka gjetur vdekjen shtetasi P.N., 66 vjeç banues në lagjen ‘Kalaja’-Lezhë, i cili ishte duke kryer disa punime në çatinë e banesës së këtij shtetasi”, njoftoi policia.
Blutë kanë proceduar penalisht pronarin e banesës për veprën penale “Shkelja e rregullave të mbrojtjes në punë”.