Gjykata e Tropojës vendosi masën e sigurisë me burg ndaj Altin Ismajlisufi , i cili dyshohet se 4 ditë më parë vrau me armë zjarri bashkëfshatarin e tij Isat Goçajn.
Ngjarja ka ndodhur në fshatin Çerem.
Nga raportimet mësohet se autori, i cili ishte zjarrfikës, ka deklaruar para Gjykatës se nuk ka qëlluar për të vrarë Gocajn, por e ka qëlluar në këmbë për ta plagosur. Duket se plumbi i ka kapur një arterie, duke bërë që Goçaj të ndërrojë jetë rrugës për në spital.
Ai ka deklaruar se vazhdimisht kishin pasur përplasje dhe ditën kur ndodhi edhe ngjarje e rëndë, viktima kishte qëlluar me shuplakë nënën dhe djalin e tij brenda banesës së tyre.
Dy familjet kishin qenë në konflikt për një sipërfaqe toke për të cilën kishin pretendime pronësie. Ismajlfufi u dorëzua në polici 3 orë pas ngjarjes, ndërkohë është sekuestruar edhe arma e krimit.
