Kameramani ra nga shkëmbi në ujë gjatë një interviste/ Ministri hidhet për ta shpëtuar, humbin jetën të dy

Ministri rus i Emergjencave Yevgeny Zinichev ka vdekur në një aksident gjatë një stërvitjeje të madhe të mbrojtjes civile Arktike.

Ministria tha se Zinichev, 55 vjeç, kishte vdekur në zonën e Norilsk ndërsa përpiqej të shpëtonte jetën e dikujt.

Një kameraman kishte rënë nga një shkëmb gjatë një interviste, sipas Margarita Simonyan, drejtuesja e televizionit rus RT.

“Ai dhe kameramani ishin buzë një shkëmbi. Kameramani rrëshqiti dhe ra në ujë,” tha ajo. “Zinichev nxitoi pas kameramanit dhe vdiq pasi goditi një shkëmb të thepisur,” shtoi me pas.

LEXO EDHE  Zgjedhjet në Rusi, rriten dyshimet për mashtrime, ja çfarë është konstatuar deri tani

Kameramani, i identifikuar më vonë si regjisor filmi, Alexander Melnik, 63 vjeç, gjithashtu vdiq. Mediat ruse thanë se aksidenti ndodhi në ujëvarën Kitabo Oron në rezervatin e natyrës Putorana në Siberinë veriore, rreth 165 km (100 milje) në perëndim të Norilsk.