Tragjedia në spital/ Meta: Ngjarje tepër e rëndë dhe tronditëse. Mendimet dhe lutjet e mia janë me Tetovën!

Presidenti Ilir Meta ka shprehur ngushëllimet më të ndjera për jetët e humbura pas zjarrit që përfshiu një spital Covid të Tetovës, në Maqedoninë e Veriut.

“Një ngjarje tepër e rëndë dhe tronditëse, veçanërisht për numrin e viktimave të raportuara!”, shprehet kreu i shtetit.

Mesazhi i Presidentit Meta

Me shqetësim dhe trishtim të thellë po përcjell tragjedinë e ndodhur në spitalin e Tetovës.

Një ngjarje tepër e rëndë dhe tronditëse, veçanërisht për numrin e viktimave të raportuara!

LEXO EDHE  E quajti Kurtin budalla, Kryeministri-Vulinit: Ke qenë zëdhënës i gruas së Millosheviçit

Shpreh ngushëllimet më të ndjera për jetët e humbura dhe ndaj dhembjen e madhe me familjarët e tyre.

Ju uroj shërimin sa më parë të lënduarve!

Shpreh solidaritetin e plotë me autoritetet shtetërore të Maqedonisë së Veriut, që po bëjnë përpjekje maksimale për të shpëtuar sa më shumë jetë dhe vënë nën kontroll situatën.

Mendimet dhe lutjet e mia janë me Tetovën!