Punonjësit e administratës shtetërore do bëjnë vaksinat e detyrueshme. Kështu pas mjekëve, policëve dhe mësuesve, çdo punonjës i administratës, do të jetë i detyruar të bëjë vaksinat, nëse do të shkojë në punë. Gjithashtu për studentët po kërkohet vaksinim me detyrim, edhe pse ka kundërshti.
Një ditë më parë autoritetet shëndetësore thanë se kush nuk vaksinohet do t´i duhet që të bëjë teste çdo 3 apo 5 ditë, dhe referuar çmimit të testi në Shqipëri, kostoja është e papërballueshme.
Në total janë rreth 84 mijë punonjës të administratës, që duhet të vaksinohen, ndonëse një pjesë e tyre mund të kenë kaluar Covid-19 dhe të kenë krijuar anti-trupa.
Vaksinimi me detyrim i administratës u njoftua nga kryeministri Rama. Kryeministri ftoi të gjithë ata që janë të pabindur për të bërë vaksinën, të mos ju besojnë teorive konsiperative.
Ministria e Shëndetësisë thotë se në funksion të këtij procesi të detyruar i gjithë muaji shtator do të jetë i hapur për këdo që dëshiron të vaksinohet.
Deri në fund të vitit, pritet që në vendin tonë të mbërrijnë 3 milionë doza vaksinash.
