Bie nga pallati në ndërtim, humb jetën punëtori

Foto ilustruese

Një person ka humbur jetën këtë të Martë në Kavajë pas rënies nga një lartësi. Policia informoi se viktima është një 55-vjeçar, i cili ishte duke punuar në një pallat në ndërtim.

“Rreth orës 08:30, dyshohet se duke punuar në një pallat në ndërtim, ka rënë nga lartësia dhe për pasojë ka humbur jetën punëtori shtetasi P.Gj., 55 vjeç”, njoftuan blutë.

LEXO EDHE  Bilanci ditor i Covid në Kosovë, 4 humbje jete dhe 84 raste të reja

Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.