Një aksident ka ndodhur pranë Kopshtit Botanik në kryeqytet. Për pasojë, dy persona janë plagosur, një prej tyre efektiv policie në shërbim.
Nga fotot e publikuara në media, ata shihen të shtrirë në trotuar, ndërsa motori me të cilin lëviznin ka dalë nga rruga.
“Rreth orës 10:05, në rrugën Shkëlqim Fusha’, janë përfshirë në përplasje mjeti me drejtues R. K., 40 vjeç me mjetin motorr të policisë me drejtues E.M. dhe pasagjer J. D,(ky i fundit punonjës policie në shërbim). Si pasojë, janë dëmtuar të dy punonjësit e policisë, të cilët u dërguan në spital dhe ndodhen nën kujdesin e mjekëve. Grupi hetimor punon për sqarimin e rrethanave të aksidentit”, njoftoi policia.
