Louis van Gaal duket se po e shndërron Holandn në një skuadër fituese. Tulipanët zbritën sot në fushë dhe nuk e toleruan aspak Turqinë, duke e mundur me shifrat 6-1, me miqtë, që nuk bënë aspak rezistencë dhe luajtën një pjesë me 10 lojtarë prej të kuqit të Soyuncu.
Padyshim ylli i ndeshjes Memphis Depay, i cili shënoi tre gola dhe ishte frymëzimi i skuadrës drejt këtyre tre pikëve. Jo vetëm kaq, por ai asistoi edhe në golin e parë të shënuar nga Klaasen, duke treguar protagonizëm absolut.
Dy golat e fundit i shënuan Guus Til dhe Donyell Malen. Golin e flamurit për turqit e shënoi Cengiz Under.
Franca triumfoi me shifrat 2-0 me dopietën e Antoine Griezmann. Me këtë triumf, kampionët e botës “blindojnë” vendin e parë në grupin D.
Në ndeshjet e tjera bie në sy fitorja e thellë e Danimarkës me shifrat 5-0 ndaj Izraelit, duke konfirmuar formën e mirë, pas Europianit, ku “vikingët” arritën deri në gjysmëfinale.
