Bujar Asqeriu: Si më akuzoi shoku se i ngacmova gruan pas rolit në film

Aktori Bujar Asqeriu ka zbuluar në një intervistë televizive se pas një roli në një film, një mik i tiji e ka akuzuar se i ka ngacmuar bashkëshorten.

Aktori tha në emisionin “Përballë” se një mik i fëmijërisë, pasi ka parë filmin “Jeta në duart e tjetrit”, e ka akuzuar se i ka ngacmuar gruan. Ndërkohë, shtoi se reagime të shumta kishte dhe nga radhët e intelektualëve të kohës, të cilët i shpreheshin se ai duhej mbajtur larg shtëpive të tyre.

“Efektet e këtij filmi i mora në mënyrë të menjëhershme dhe këtu ne Kinostudio pati pëshpërima, por edhe miqtë e mi, intelektualë, me universitet, me punë të mira, më thoshin: ‘Ti je i frikshëm. Ti s’duhesh futur në shtëpi!’. Po pse u thosha unë? ‘Në asnjë mënyrë! Unë s’të fus në shtëpi’. Ndërkohë që një mik fëmijërie kishte arritur deri aty sa e kishte akuzuar se i kishte ngacmuar bashkëshorte. ‘Më ke ardhur në shtëpi, më ke parë gruan nga këmbët. Të zhdukeni me gjithë familje, të mos rrini më këtu! Të zhdukeni nga Vlora!’”, tha ai.

LEXO EDHE  E lidhur me Atdhe Xharavinën? Reagon Bora Zemani (Foto)