Është mbyllur në barazim pa gola pjesa e parë mes Shqipërisë dhe Hungarisë, ndeshje e vlefshme për Grupin I të kualifikueseve të Botërorit “Katar 2022”.
Në 45 minutat e para kuqezinjtë u shfaqën më kërkues në fushën e lojës ku kanë krijuar disa raste shënimi por në repartin defensiv kuqezinjtë e Rejës kanë shfaqur sërish probleme duke u lejuar kundërshtarëve hapësira të panevojshme.
Shqipëria e nisi ndeshjen në sulm, ku rasti i parë ka ardhur në minutën e 13-të me Ismajlin, i cili provon me kokë pas harkimit të Bajramit nga këndi, por pafat kuqezinjtë në këtë moment.
Dy minuta më vonë provon Uzuni, por tentativa e tij shkon jashtë kuadratit. Miqtë reagojnë në minutën e 18-të, duke flirtuar me golin falë një vendosje të gabuar të Shqipërisë në mbrojtje por Berisha tregohet i vëmendshëm duke evituar rrezikun.
Gjithsesi rasit më flagrant i pjesës së parë i përket minutës së 33-të. Kumbulla bën më të vështirën shumë pranë vijës fatale, duke e dërguar topin jashtë kuadratit!
DENONCO