Lëshonin teste të shpejta për Covid pa qenë të licensuar, 5 të arrestuar

Një laborator mjekësor në Durrës që lëshonte teste Covid-i pa qenë i licensuar është zbuluar nga policia, që ka arrestuar pesë persona dhe ka shpallur në kërkim një tjetër.

Në pranga u vunë:

1. E.H., 34 vjeçe, banuese në Tiranë, për veprat penale “Kontrabanda me mallrat e tjera”, “Fshehja e të ardhurave” dhe “Mashtrimi”;
2. E.A., 24 vjeç, banues në Tiranë, për veprat penale “Fshehja e të ardhurave” dhe “Mashtrimi”;
3. E.Ç., 29 vjeç, banues në Tiranë, për veprat penale “Fshehja e të ardhurave” dhe “Mashtrimi”;
4. A.S., 24 vjeçe, banuese në Durrës, për veprën penale “Moskallëzim krimi”;
5. A.P., 25 vjeçe, banuese në Durrës, për veprën penale “Moskallëzim krimi”;
6. Gjithashtu, u shpall në kërkim shtetasi A. H., 30 vjeç, banues në Tiranë, për veprat penale “Kontrabanda me mallra të tjera”, “Fshehja e të ardhurave” dhe “Mashtrimi”.

Policia sqaroi se, “këta shtetas, në bashkëpunim me njëri-tjetrin, në një laborator në lagjen nr.4, Durrës, duke përfituar nga situata e pandemisë ‘COVID-19’, kanë pajisur me test ‘Rapid’, 483 shtetas të cilët do udhëtonin në drejtim të Italisë, pa qenë të licensuar nga instancat përkatëse, në kundërshtim me Urdhrin datë 23.07.2020 ‘Për miratimin e procedurës së kryerjes së testimeve molekulare RT-PCR, për SARS CoV-2 dhe njohjes së laboratorëve jopublike për kryerjen e testimit për nevoja administrative’”.