Një tjetër helmim masiv ka ndodhur në fshatin Trudë të Komunës së Prishtinës.
Nga raportimet mësohet se në spital janë shtruar rreth 80 qytetarë me të vjella, marrë mendsh dhe diarre.
Paraprakisht dyshohet se helmimi ka ardhur për shkak të ushqimit, por nuk dihet saktësisht se çfarë e ka shkaktuar reaksionin në masë.
“Ka pasur rast vdekje në një familje dhe kanë porositur ushqim në një restorant. Të gjithë janë helmuar dhe disa janë në gjendje të keqe. Rasti ka ndodhur në fshatin Trudë. Kanë qenë në vizitë Naser Ramadani dhe disa ekipe mjekësore”, raportojnë mediat në Prishtinë, duke iu referuar të dhënave nga autoritetet.
Fillimisht pacientët kryen testin anti-COVID pasi simptomat janë të ngjashme, por asnjë prej tyre nuk doli pozitiv, duke lënë helmimin të vetmen mundësi për ta.
