Kategoria Superiore do të nisë zyrtarisht në datën 10 shtator ku ndeshja që do të ngrejë siparin do të jetë supersfida Teuta-Partizani.
Teuta vjen si kampione e sezonit të kaluar dhe do të kërkojë të konfirmohet përsëri këtë sezon, me Partizanin që dhe këtë sezon pritet të jetë mes pretendentëve për titull.
Një ditë më pas, në orën 13:45 të drekës, Laçi do të presë në shtëpi Vllazninë. Shkodranët kanë bërë një merkato cilësore dhe do të kërkojnë me çdo kusht titullin kampion që i shkuan shumë afër sezonin e kaluar.
Përballje interesante do të jetë dhe ajo midis Egantias dhe Kukësit me rrogozhinasit që do të luajnë si debutues pasi u ngjitën këtë sezon mes më të mirëve. Dinamo do ta nisë sezonin në transfertë përballë Kastriotit ndërsa Tirana do të presë në shtëpi Skënderbeun.
Kategoria Superiore- Java e parë
10/09/2021- E premte
Teuta-Partizani (Elbasan, ora 19:45)
11/09/2021- E shtunë
Tirana-Skënderbeu (Tiranë, ora 13:45)
Laçi-Vllaznia (Laç, ora 13:45)
12/09/2021- E diel
Egnatia-Kukësi (Rrogozhinë, ora 13:45)
Kastrioti-Dinamo (Kamëz, ora 13:45)
