Kabinet të Spiropalizuar e konsideron Qeverinë “Rama3” ish-ministri i Drejtësisë, Ylli Manjani.
Në një postim në rrjetet sociale, duke komentuar përbërjen e Qeverisë, së prezantuar dy ditë më parë nga Kryeministri Edi Rama në Asamblenë Kombëtare të PS, Manjani shkrua se “nëse pranon të flasësh kodra pas bregut; të thuash pas çdo ngjarje se “për këtë bëhen filma”; të lehësh në media e rrjete sociale tekst të shkruar nga bosi; të bësh xhadën kur të kërkohet; të bësh zhurmë kur llafosesh vetë ose dikush tjetër; të firmosësh e të marrësh vendime pa menduar; të marrësh vendime pa bërë mbledhje, diskutime mbi temën jo e jo, plotëson kriterin për të qenë i Spiropalizuar”.
“Një tufë pulash që kërcënohen nga tufa e grerëzave që i akomodoi në kryesi dhe forumet e PS dje…
Një tufë pulash që nuk meritojnë as ti thërrasësh paraprakrakisht për ti propozuar detyrën…
Eshtë e tepërt të kërkosh konstitucionalizëm në mjedis të Spiropalizuar”, vijon ironinë e tij Manjani, lidhur me Qeverinë Rama në mandatin e 3-të qeverisës.
Postimi nga Ylli Manjani
Elisa Spiropali ka meritë të veçantë, sepse sapo ajo u fut në kabinet ndihmoi njerëzit për të përkufizuar llojin e kabinetit që preferon Rama.
Spiropali është modeli i duhur i personit.
Spiropalizimi është sjellja publike e preferuar që i sjell rehatllëk udhëheqësit.
Modeli i kabinetit qeverisës quhet i Spiropalizuar.
Të kuptohemi, këto terma nuk janë përkufizime për inteligjencën personale të personave që përzgjidhen ministra, as për zonjë Elisë në vetvete, por sjellja publike dhe politike e tyre duhet të ketë e Spiropalizuar.
Pra nëse pranon të flasësh kodra pas bregut; të thuash pas çdo ngjarje se “për këtë bëhen filma”; të lehësh në media e rrjete sociale tekst të shkruar nga bosi; të bësh xhadën kur të kërkohet; të bësh zhurmë kur llafosesh vetë ose dikush tjetër; të firmosësh e të marrësh vendime pa menduar; të marrësh vendime pa bërë mbledhje, diskutime mbi temën jo e jo, plotëson kriterin për të qenë i Spiropalizuar. Për pasojë për t’u emëruar ministër.
Kabineti që u shpall dje është totalisht i tillë, i Spiropalizuar pra. Një listë me emra të rinj e të vjetër që sillen, flasin e gjestikulojnë njësoj. Ata të gjithë bëjnë prova para pasqyrave të imitojnë Bosin kur flasin në publik. Por u duhet të flasin me fjalë të thjeshta, të Spiropalizuara dmth.
Një tufë pulash që kërcënohen nga tufa e grerëzave që i akomodoi në kryesi dhe forumet e PS dje…
Një tufë pulash që nuk meritojnë as ti thërrasësh paraprakrakisht për ti propozuar detyrën…
Eshtë e tepërt të kërkosh konstitucionalizëm në mjedis të Spiropalizuar.
Kështu që asgjë e re nuk del më nga ky mjedis i kalbur deri në palcë…
Ata duhet të ishin në opozitë, por janë aty në mënyrë krejt të panatyrshme. Ndaj dhe spiropalizohen që ta shtyjnë sa ta shtyjnë…
Nëse Noli do ishte gjallë do ta përshtaste fjalën e tij mbi Kabinetin e Pykave.
Do ta quante të Spiropykave.
