Nga data 6 shtator, të gjithë shtetasit e huaj që hyjnë në Shqipëri, që janë rezidentë apo kanë një leje qëndrimi të përhershme, apo të përkohshme, duhet të paraqesin në pikat kufitare certifikatën e vaksinimit, ose dokument që kanë kaluar Covid.
Urdhëri i Ministres së Shëndetësisë është botuar në Fletoren Zyrtare, ndërsa në të parashikohet një vetëizolim për 10 ditë i shtetasve të huaj që vijnë në Shqipëri.
Shtetasve që do të hyjnë në Shqipëri do t’u kërkohet certifikatë vaksinimi e plotë, në formë digjitale, apo të printuar, test PCR negativ të kryer në 72 orë, ose antigjenik brenda 48 orëve të hyrjes në kufi. Së treti, kërkohet një dokument që provon se personi në fjalë ka kaluar COVID brenda gjashtë muajve të fundit.
Vendimi në fjalë është një masë e shtuar në kuadër të masave anti-Covid, në një kohë kur në Shqipëri numërohen mbi 11200 raste aktive, pjesa më e madhe e të cilave në Tiranë.
Gjatë muajve të verës, Shqipëria ishte i vetmi vend që nuk kërkonte asnjë dokument lidhur me turistët apo vizitorët që hynin në vend, madje nuk aplikohej as tamponi apo testimi i shpejtë, edhe pse nga ekspertë të ndryshëm, jashtë rradhëve të Komitetit Teknik, kërkohej vendosja e këtyre kufizimeve apo masave shtesë.
Në urdhërin e Manastirliut parashikohet që në fund të periudhës së vetëizolimit, personat duhet të informojnë autoritetet shëndetësore për të kryer testimin në fund të periudhës së izolimit dhe në rast se testi rezulton negativ, mund të lënë karantinën.
URDHËR Nr. 374, datë 30.8.2021
PËR HYRJEN E PERSONAVE NË REPUBLIKËN E SHQIPËRISË NGA TËGJITHA PIKAT KUFITARENë mbështetje të nenit 102, pika 4, të Kushtetutës së Republikës së Shqipërisë; të nenit 7, pika 3,shkronja “a”, të ligjit nr. 15/2016, “Për parandalimin dhe luftimin e infeksioneve dhe sëmundjeveinfektive”; të udhëzimeve të Institutit të Shëndetit Publik, me qëllim mbrojtjen e shëndetit tëpopullatës nga infeksioni i shkaktuar nga COVID-19, si edhe në zbatim të vendimit të Komitetit të Përkohshëm për Infeksionin e Përhapur nga coronavirusi i ri nr. 3614 prot., datë 30.8.2021,
URDHËROJ:
1. Të gjithë personat që hyjnë në Republikën e Shqipërisë, nga të gjitha pikat kufitare, duke filluarnga data 6.9.2021, duhet të paraqesin një nga dokumentet e mëposhtme:a) certifikatën e vaksinimit që vërteton vaksinimin e plotë, në formë digjitale apo të printuar, aponjë dokument të ngjashëm të lëshuar nga autoritetet kompetente shëndetësore vendase që deklaronpërfundimin e vaksinimit; b) test PCR-je, të kryer brenda 72 orëve përpara nisjes ose testin e shpejtë antigjenik brenda 48orëve të hyrjes në kufi;c) dokument të lëshuar nga autoritetet shëndetësore të vendit, që provon shërimin nga infeksioniSars-Cov-2, me vlefshmëri deri në 6 muaj pas shërimit.
2. Dokumentet e kërkuara në pikën 1, të këtij urdhri, duhet të paraqiten edhe nga personat qëkalojnë tranzit në Republikën e Shqipërisë.
3. Përjashtim nga rregullat e përcaktuara në pikën 1 dhe 2, të këtij urdhri, bëhet për fëmijët derinë moshën 6 vjeç.
4. Personat rezidentë në Republikën e Shqipërisë, përfshirë dhe ata persona me leje qëndrimi tëpërkohshme apo të përhershme dhe që nuk kanë asnjë nga dokumentet e përmendura në pikën 1, të këtij urdhri, duhet të nënshkruajnë deklaratë në pikën kufitare dhe të vetëizolohen për një periudhë10-ditore, duke informuar autoritetet shëndetësore për të kryer testimin në fund të periudhës sëizolimit.
5. Urdhri t’i përcillet ministrisë përgjegjëse për çështjet e jashtme, me qëllim njohjen e tij nga tëgjithë përfaqësitë diplomatike në Republikën e Shqipërisë.
6. Ngarkohen për zbatimin e këtij urdhri organet kompetente të përcaktuara në aktin normativ nr.3, datë 15.3.2020, “Për marrjen e masave të veçanta administrative gjatë kohëzgjatjes së periudhës sëshkaktuar nga COVID-19”, të ndryshuar.
Ky urdhër hyn në fuqi menjëherë dhe botohet në Fletoren Zyrtare.MINISTËR I SHËNDETËSISË DHE MBROJTJES SOCIALEOgerta Manastirliu
