Reperi i famshëm me origjinë greke i lindur në New York, Mad Clip, ka ndërruar jetë pas një aksidenti automobilistik në Vouliagmeni, Athinë. Ai po kthehej nga dasma e shokut të tij.
Reperi 34-vjeçar, i cili është i apasionuar pas shpejtësisë, është përplasur teksa po udhëtonte me makinën e tij ‘Porsche’. Makina që po ngiste, devijoi nga rruga dhe u përplas në një shtyllë dhe më pas me një pemë. Përplasja ishte tepër e fortë, pasi mjeti thuajse u shkatërrua plotësisht dhe grupit të hetimit iu desh kohë të zbulonte që viktima ishte reperi, emri i vërtetë i të cilit është Peter Anastasopoulos.
ERT raporton se mesa duket ai ka qenë me një shpejtësi të madhe, e cila thuhet se ka arritur deri në 200 km/orë. 12 zjarrfikës shkuan në vendngjarje me 4 automjete, të cilët e liruan reperin pa ndjenja nga rrënojat e automjetit pas dy orësh.
Stresi ka reaguar për ndarjen nga jeta të reperit. Ai ka postuar në Instagram një foto të reperit të ndjerë, duke lënë të kuptohet se ka pasur njohje. Sakaq, Stresi është shprehur shumë i trishtuar për ndarjen e tij nga jeta.
“U prehsh në paq Mad Clip. Më vjen shumë keq për ty”, ka shkruar ai në postim, teksa i ka shprehur ngushëllimet dhe një personi të afërt të reperit grek.
LEXO EDHE:
Humbi jetën në aksidentin tragjik/ Morena Taraku e shokuar nga vdekja e mikut të saj reper
