Humbi jetën në aksidentin tragjik/ Morena Taraku e shokuar nga vdekja e mikut të saj reper

Reperi i famshëm me origjinë greke i lindur në New York, Mad Clip, ka ndërruar jetë pas një aksidenti automobilistik në Vouliagmeni, Atikë. Ai po kthehej nga dasma e shokut të tij.

Reperi 34-vjeçar, i cili është i apasionuar pas shpejtësisë, është përplasur teksa po udhëtonte me makinën e tij ‘Porsche’.

Makina që po ngiste, devijoi nga rruga dhe u përplas në një shtyllë dhe më pas me një pemë. Përplasja ishte tepër e fortë, pasi mjeti thuajse u shkatërrua plotësisht dhe grupit të hetimit iu desh kohë të zbulonte që viktima ishte reperi, emri i vërtetë i të cilit është Peter Anastasopoulos.

ERT raporton se mesa duket ai ka qenë me një shpejtësi të madhe, e cila thuhet se ka arritur deri në 200 km/orë. 12 zjarrfikës shkuan në vendngjarje me 4 automjete, të cilët e liruan reperin pa ndjenja nga rrënojat e automjetit pas dy orësh.

LEXO EDHE  Griness plas "bombën": Sindi dhe motrat e saj më kanë bullizuar

Reperi njihet për hite të shumta, mes tjerash edhe me këngëtaren me origjinë shqiptare Eleni Foureira.

Mesa duket ai ka pasur plane edhe me modelene dhe këngëtaren shqiptare, Morena Tarakun. Kjo e fundit e shokuar, ka reaguar në rrjete sociale. Dyshja kanë punuar për një projekt muzikor të përbashkët, diçka që u pre në gjysmë nga aksidenti fatal.

Image