Sindi Loci, ish-konkurrentja e “Për’puthen”, deklaroi pas daljes nga programi se ka gjetur dashurinë. Ajo e ka mbajtur të fshehtë identitetin e djalit që i ka vjedhur zemrën duke u shprehur se do ta jetojë në privatësi romancën.
Prej disa ditësh ajo po përflitet se është ndarë nga i dashuri. Shkak janë bërë postimet e Sindit në Instastory, ku tregoi se ndihet e zhgënjyer. Mirëpo, e vërteta qenka ndryshe dhe zhgënjimet e Sindit lidhen me shoqërinë. Këtë e ka zbuluar vetë ajo në një intervistë virtuale me ndjekësit e saj në Instastory.
“Unë dhe partneri im jemi duke shijuar çdo moment që kemi mundësi me njëri-tjetrin. Storyt që kam shpërndarë këto ditë nuk kanë aspak lidhje me lidhjen time dashurore. Storyt që i kam bërë tag mamasë sime lidhet me shoqërinë!”– shkruan ajo.
